Die Kasnockn Sennhüttn -Gstanzln

Mir san die zwoa Weibert
von der Kasnockn Sennhüttn,
mir san ålle zwoa ledig,
weil mir låssn uns hålt bitten

Der erste wår a Jaga
mit aner mords Trumm Bix,
håt viel gredt vom Treffen,
åber gschossn håt er nix

Da zweite wår Wüldschütz,
sei Charme wår a Wucht,
kaum håb ma eahm busslt,
wår a auf da Flucht

Um a Quartier in da Nåcht,
låsst da nächste Schütz schön bitten,
mir drei liegn gleim beinånd
und die Gams in da Mitten

Mir håbns guat – wånn wer fråg –
die Jaga kemman ålle Tåg,
a Wüldschütz nur bei vollem Mond,
mir zwoa san des jå längst so gwohnt

Gestern ham ma gjuchazt
und die gånze Nåcht gliabt,
weil heut håm ma wem braucht,
der den Mist aussi schiabt

Nimmst Du deinen Jaga
und i nimm den Schütz,
nächst Wochn tean ma tauschn
und dånn drüber plauschn

Gånz bluatig sei Hemad
und am Kopf a Blessur,
kim eina mei Wildschütz
i håb Bussalan gnua

Då drobn auf da Ålm
då war `s a schware Sünd,
wånn ma den Wildschütz net liabt,
bevor dass er stirbt.

Da Pfårra håt gsågt
er kimmt auffa auf d`Ålm,
die Beicht åbnehma,
soll er ruhig amål kemman

Und gestern wår a do,
beicht håm mas i und die Lena,
von unserm Techtlmechtl
håt er går net gnua kriagn kenna

Jå, mei Muatta håt gsågt:
Pass auf wegn der Liebe!
Dås Herz håt er ma gstohln
san ålls lauter Diebe

Wer klopft denn åns Fensta
in finstara Nåcht,
es is da Wüldschützn Peter –
und da Schuss håt scho kråcht

Liegt unter mein Fensta
mit an Loch i n da Mitten,
mit an lochatn Gsicht –
mei san des rauche Sittn

Mir zwoa wülde Weibert
håm häufti gnua Plåtz im Herz
bei uns då kriagt da Jaga
und a da Wüldschütz sein Sterz

Und wenn die Wanderer kommen:

Trau die nur eina
du Touristerl Du kleiner,
es ist heut zu entscheiden
welche willst von uns beiden?

Sie måcht den bestn Kas
und i måch die himmlischsten Bettn.
Uns kånn koana mehr vagessn,
dös möchte i wetten…


1111 steht nicht für eine Jahreszahl sondern ist das Zeichen für eine noch nicht ausformulierte Quellenangabe;Bei neuen Liedertexten lässt sich der Ursprung meist nicht feststellen, auch dafür steht die Zahl 1111;
Grundsätzlich sind alle hier veröffentlichten Inhalte urheberrechtlich geschützt und sämtliche Rechte vorbehalten.